هذيــــــان

ليه؟

سؤال مني وليه !؟

ليه خلتني لما الشمس تشرق

 أشوف ظلام  ؟  

و لما البدر ينور

 الغيمة تتربع  في مداه    

وليه لما اسأل سؤال 

سكوتك بزيد

 ولما أقول ان حبك 

 مع الدم يسري  في الشرايين 

تجري واتقول كده كتير 

وليه حسك ما يفارقنيش

 واسمك على لساني ما يتنسيش

 وصوتك نغمة كمان ما بتسبنيش

 ليه كل ما اقرب

 تهرب لبعيد

 وكل ما اقول راقت

 تخنقني  بغيابك

 وكل ما اكلمك عن احساسي

 تغير الموضوع وتفتح

 نوافذ الساسة والسياسيين

 وليه لما اغيب تقلق عليا 

 وتتصل موبايل وتطمن كل شوية

 واحس انك عاشق كبير   

تهاديني الورد وتجيب الفطار 

 قشطة وفراولة ولبن كمان

 ونعيش كده زي الي في الأفلام

 ليه تحكيلي حكايات 

 عن الحب والعشق  

 و تناغم الارواح

 واتقول ان ربك رب قلوب

 ويالف بين الناس

 مهما كانت الديانات والاجناس  

وليه سبتني اتعلق بيك

 وانسى الحياة  وانا بين ايديك

 لما انت مش قد الحب الكبير

 كنت من الاول تقول 

 وانا ابعد اميال

 لحد ما ببانليش خيال 

 لا يمكن تكون تلعب بيا

 وانا الي كنت ناوية 

اخلي ابويا يسال عليك 

 ويروح لامك ويقلها

 شبيك لبيك

 البنت اتشعلقت بالبيه

وانتي طبعا ما يرضيكيش

 نفرق بينهم وانقول اقدار

زي الي حصل بيننا زمان

 والنبي بلاش نحرمهم من بعض

 كفاية احنا قالولنا لاااااااااه زمان

 اصل الصعايدة دول  واعرين قوي

 ولما يقولوا  لااااه 

 قفل على كل المواضيع

 وحط خلجاتك في اسنانك 

 وقول يا فكيك 

 قبل ما يطخوك بالنار

 ويقوله محينا وصمة العار

 حتى لو كان الموال حلم

 من نسج الخيال 

 لان دمهم حامي 
وصبرهم قليل

 وينفذوا الي ييجي

 على بالهم من غير تفكير 

!!.....وطلع النهار

 واتاري الفلم الي كان شغال

 كله خيال في خيال

 زي السيما يا ابن الحلال

 خليك نايم مرتاح

 وما تخاف بكيتة تطل عليك

 في الحقيقة ولا في الاحلام 
 لانها اوهام في اوهام

زي حكاية امنا الغولة

وزي الحاجات الي بيها

 كانوا يخوفونا  زمااااااااااان

 اضهر وبان وعليك الأمان 

 اطلع على الشاشة وقول 

 انا اهو  يا سادة

 كنت مشغول بالقراية 

 وامي العيانة 

 وانبسط وبلاش كآبة 

 لو كان عليا  اشغلك اسطوانة 

 واقلك نكت لحد ما تفطس

 من الضحك

حاجة كده زي كلامي ده

 الي مالوش اي معنى

 غير انه سخرية من القدر !, ومننا  

 قلبي عليا موجوع

 ومن كتر وجعه

: نسي يقول

 سلام لقلبك يا غالي 

 وسلام لروحك الي مغلباني

 ومش راضية تسيبني في حالي 

ودمعي على الخدود جاري

 وانا بضحك من غلبي

 واقول ااااااه ياني 

 من الي عملته الأنا فيا 

! ومن القدر الي انكتب عليا 

:)

============================

فوزية صيداوي